KZ QZ RÝ EN 中文 ق ز ЎZ
    Trend:
    Jibek Joly TRK
    QZ
    Trend:

    Erlan Qarın

    Erlan Qarın - foto, beıne, analıtıka, QazAqparat saıtyndaǵy dose

    Vıtse-Prezıdent etnosaralyq kelisimdi nyǵaıtý máseleleri jóninde respýblıkalyq keńes ótkizdi

    Vıtse-Prezıdent Qazaqstan Halyq Keńesiniń alǵashqy sessııasynda Prezıdent aıtqan bastamalardy iske asyrý máseleleri boıynsha keńes ótkizdi

    Vıtse-Prezıdent Erlan Qarın Álemdik jáne dástúrli dinder lıderleri sezi Hatshylyǵynyń XXIV otyrysyna qatysty  Astanada Qazaqstan Respýblıkasynyń Vıtse-Prezıdenti — Álemdik jáne dástúrli dinder lıderleri sezi Hatshylyǵynyń basshysy Erlan Qarınniń tóraǵalyǵymen Hatshylyqtyń XXIV otyrysy ótti. Onyń jumysyna 20 elden kelgen álemdik jáne dástúrli dinderdiń, halyqaralyq uıymdardyń, sondaı-aq memlekettik jáne qoǵamdyq qurylymdardyń 30-dan astam bedeldi ókili qatysty. Erlan Qarın birlik pen yntymaq, etnosaralyq jáne konfessııaaralyq kelisim, adamdy qurmetteý sııaqty konstıtýtsııalyq qundylyqtar Qazaqstannyń damý baǵdaryn aıqyndaıtyn mańyzdy qaǵıdattar ekenin, munyń Sezd mıssııasymen úndesetinin atap ótti. Osy ustanymdarǵa arqa súıeı otyryp, Memleket basshysy Qasym-Jomart Toqaevtyń basshylyǵymen elimiz teńgerimdi jáne beıbit sıpatta dáıekti syrtqy saıasat júrgizip keledi. Sezd osy jyldar ishinde dinaralyq dıalogtyń biregeı alańy retinde qalyptasty. Onyń áriptestik jelisi keńeıip, dinı birlestiktermen jáne halyqaralyq uıymdarmen yqpaldastyǵy nyǵaıa tústi. — Osyǵan deıin qalyptasqan qundylyqtar irgetasy Sezdiń praktıkalyq mazmunyn keńeıtýge múmkindik beredi. ıAǵnı qujattardy birlesip ázirleýge, áriptestikti nyǵaıtýǵa jáne naqty jobalardy iske asyrýǵa jol ashady, — dedi Vıtse-Prezıdent. Bul — qarýly qaqtyǵystar, gýmanıtarlyq daǵdarystar, radıkaldy ıdeıalar men óshpendilik belgileri beleń alyp, klımattyq jáne tehnologııalyq syn-qaterler kúsheıe túsken qazirgi kezeńde aıryqsha ózekti mindet. Mundaı jaǵdaıda rýhanı dıplomatııa saıası kelissózderdi tolyqtyryp, ózara baılanys arnalaryn saqtaýǵa jáne senimdi qalpyna keltirýge yqpal etedi. Erlan Qarın Memleket basshysynyń Sezd aıasynda dinderdiń bitimgerlik áleýetin biriktirip, rýhanı dıplomatııaǵa naqty halyqaralyq sıpat berýge baǵyttalǵan Jahandyq beıbitshilik qozǵalysyn qalyptastyrý jónindegi bastamasyna arnaıy toqtaldy. Otyrys sońynda 2025 jylǵy Astana beıbitshilik deklaratsııasyn damytý maqsatynda ázirlengen eki halyqaralyq qujat qabyldandy. Olar — «Klımattyń ózgerýine qarsy kúrestegi dinderdiń róli» jáne «Dinı salada jasandy ıntellektini paıdalanýdyń etıkalyq kodeksi». Birinshi qujat ekologııalyq jaýapkershilikti nyǵaıtýǵa baǵyttalǵan jáne qorshaǵan ortaǵa qamqorlyq pen azamattyq jaýapkershilikti ushtastyratyn Memleket basshysynyń «Taza Qazaqstan» baǵdarlamasynyń fılosofııasymen úndesedi. Etıkalyq kodeks Prezıdenttiń jasandy ıntellektini damytý etıkasy jónindegi Dinaralyq komıssııa qurýdy jáne algorıtmderge arnalǵan ámbebap «ósıetterdi» ázirleýdi kózdeıtin bastamasyn odan ári ilgeriletedi. Qujat tehnologııalardy jaýapkershilikpen qoldanýǵa shaqyrady ári dinı mátinderdi burmalaýǵa, tsıfrlyq jalǵan kontent ázirleýge, kemsitýshilikke jáne adamdardyń senimine manıpýlıatsııa jasaýǵa tosqaýyl qoıýǵa arnalǵan. Sondaı-aq Qazaqstan men Qasıetti Taqtyń birlesken bastamasy — «Aıyqpas dertke shaldyqqan balalardyń quqyqtary hartııasy» tanystyryldy. Qujatty ázirleýge «Bambıno Djezý» aýrýhanasynyń sarapshylary atsalysty. Hatshylyq Hartııaǵa qatysty jumysty odan ári jalǵastyrýdy qoldady. «Astana beıbitshilik deklaratsııasy — 2025» qujatyn iske asyrý aıasynda Hatshylyqqa seriktestermen birlesip, Jahandyq beıbitshilik qozǵalysynyń tujyrymdamasy men ony qalyptastyrý jáne halyqaralyq deńgeıde ilgeriletýdiń kezeń-kezeńimen iske asyrylatyn josparyn ázirleý tapsyryldy. — Sezdiń bedeli qabyldanǵan sheshimderdiń halyqaralyq bastamalarda kórinis taýyp, qanshalyqty tyńǵylyqty túrde júzege asyrylatynyna jáne beıbitshilik pen senimdi nyǵaıtýǵa qyzmet etetinine baılanysty bolmaq, — dedi Erlan Qarın. Otyrys aıasynda Erlan Qarın birqatar ekijaqty kezdesý ótkizdi. Musylman aqsaqaldary keńesiniń Bas hatshysy Muhammed Ábdelsalammen kezdesý barysynda Vıtse-Prezıdent Keńes Sezdiń mańyzdy seriktesteriniń biri ekenin atap ótip, forým qyzmetin qoldaǵany úshin alǵys aıtty. Sondaı-aq Keńestiń Adamzat baýyrlastyǵy týraly qujatty ilgeriletýge, klımat jáne jasandy ıntellekt etıkasy jónindegi qujattardy ázirleýge qosqan úlesi aıtyldy. BAÁ Toleranttylyq jáne beıbit ómir súrý mınıstrliginiń Bas dırektory Afra Muhammed Ál-Sabrımen kezdesýde ózara is-qımyl áleýeti talqylandy. Onyń Sezd jumysyna sińirgen eńbegine jáne toleranttylyq pen beıbit ómir súrý qundylyqtaryn ilgeriletýdiń mańyzyna basa nazar aýdaryldy. Sonymen qatar Qytaıdyń býddıstik jáne daostyq uıymdarynyń ókilderi Tsıý Shýanmen, Sýn Sıaomen kezdesý ótti. Kezdesý barysynda olardyń Sezd jumysyna qatysýy jáne dinaralyq dıalogty damytýǵa qosqan úlesi talqylandy.

    Dinı lıderler sezi: klımat jáne JI-ge qatysty 2 halyqaralyq qujat qabyldandy

    Erlan Karın obsýdıl s Djekı Chanom razvıtıe kınoproektov v Kazahstane

    Erlan Qarın Djekı Chanmen halyqaralyq kınojobanyń bolashaǵyn talqylady

    Erlan Qarın Álemdik jáne dástúrli dinder lıderleri sezi Hatshylyǵynyń XXIV otyrysyna qatysýshylarmen ekijaqty kezdesýler ótkizdi

    Erlan Qarın álemdik dinı kóshbasshylarmen birqatar kezdesý ótkizdi

    Erlan Qarın

    Erlan Qarın ustazdardy qoldaýdyń nátıjelerin atap ótti

    Qarın

    Erlan Qarın Vatıkan delegatsııasymen kezdesip, II birlesken kollokvıýmnyń ashylýyna qatysty

    Astanada 125 elden usynylǵan 8 myńnan astam AI fılm baǵalanady — Erlan Qarın

    Astanada 125 elden usynylǵan 8 myńnan astam AI fılm baǵalanady — Erlan Qarın

    Erlan Qarın

    «Ulttyq múdde — birinshi orynda»: Erlan Qarın Toqaevtyń Berlındegi málimdemesine toqtaldy

    Aqtaýda Áskerı-teńiz kúshteri kemeleriniń jaýyngerlik ázirligi tekserildi

    Mańǵystaýdaǵy qaıǵyly oqıǵadan keıin áskerde qandaı ózgerister bolady

    Erlan Qarın

    Mańǵystaýdaǵy qaıǵyly jaǵdaı: Qarın memlekettik organdardyń jumysyn úılestirý jóninde keńes ótkizdi

    Erlan Qarın

    Aqtaýdaǵy 9 áskerı qyzmetshiniń qazasy: Vıtse-prezıdent kóńil aıtty

    Erlan Qarın

    Erlan Qarın: Ulttyq biregeılik pen birliktiń birden bir negizi — tutastyq