«Jýsan» operatsııasy jalǵasady – UQK

NUR-SULTAN. QazAqparat – Ulttyq qaýipsizdik komıtetiniń terrorızmge qarsy ortalyq shtaby basshysynyń birinshi orynbasary Sergeı Shveıkınniń aıtýynsha, «Jýsan» operatsııasy jalǵasqanymen, onyń ataýy ózgeredi, dep habarlaıdy QazAqparat tilshisi.

«Jýsan» operatsııasyn jalǵastyramyz. Áıtse de, onyń ataýy ózgeredi. Gýmanıtarlyq operatsııanyń kómegimen Sırııadan 595 otandasymyz, onyń ishinde 406 bala elge qaıtaryldy. Repatrıatsııa protsesi áli shegine jetken joq. Sondyqtan bul sońǵy málimet emes. Onyń 57-si qylmystyq iske tartylǵan. Búginge deıin 3-9 jyl aralyǵynda 24-i sottaldy. 11 qyrkúıekte elordanyń mamandandyrylǵan aýdandyq soty terrorızmge qatysy bar dep aıyptalǵan 14 adamǵa úkim shyǵardy», – dedi UQK ókili elordada ótken baspasóz máslıhatynda.

Onyń aıtýynsha, terrorıstik áreketke qatysy joq áıelder men balalardy ońaltý jumysynyń arqasynda 22 áıel zaıyrly ómir saltyn ustanyp, 33 áıel dástúrli ıslamǵa qaıtqan.

«Kelesi gýmanıtarlyq operatsııa «Jýsan» dep atalmaýy múmkin. Repatrıatsııa jumystary jalǵasyp, elge qaıtarylatyn azamattardyń sany artady», – dei ol.