Joldaýda teńdessiz sharalar usynylyp otyr - Elbasy
«Osy men aıtqan bastamalardyń qarjylyq kólemi - 1,5 trıllıon teńge. ıAǵnı, búgingi aıtqan barlyq sharýalardyń quny - 1,5 trln teńge. Al jalpy odan da kóbirek bolady. Bul halyqtyń ómir súrý deńgeıin arttyrýǵa tyń serpin beredi. Bul eń senimdi ári utymdy ınvestıtsııa.
«Halqymyzdyń baqýatty ómir súrýi, elimizdiń damyǵan otyz eliniń qataryna qosylýy - Táýelsiz memleketimizdiń máńgilik muraty. Biz qashan da zaman synyna tegeýrindi is-qımylmen tótep berip kelemiz. Osy jyldardyń ishinde kóp qıynshylyqtan súrinbeı óttik. Bul eń aldymen eldiń yntamaǵynyń arqasy. «Yntymaqty eldiń yrysy mol» deıdi halqymyz. Búgingi kezeńniń de talaby dál osylaı», - dedi Prezıdent.
Memleket basshysy birligimiz myzǵymasa, yntymaǵymyz ydyramasa Qazaqstan úshin alynbaıtyn asý, baǵynbaıtyn beles joq ekenin atap ótti.
«Men árbir Joldaýymda halyqtyń áleýmettik jaǵdaıy men turmys sapasyn jaqsartýǵa erekshe mán berip kelemin. Qazirgi «7-20-25», «Bes áleýmettik bastama», «Nurly jol», «Nurly jer», «Rýhanı jańǵyrý» jáne basqa da memlekettik baǵdarlamalardyń basty maqsaty - halqymyzdyń turmysyn, kóńil-kúıin jaqsartý. Qazaqstan baǵyndyratyn bıikter áli aldymyzda. Osy jolda halyq senimi rýhymyzdy jigerlendirip, boıymyzǵa kúsh-qaırat darytsyn. Sol senimdi aqtaýdan artyq bizde murat joq», - dep túıdi Joldaýyn Nursultan Nazarbaev.
