Ispanııa premer-mınıstriniń ushaǵy shuǵyl jaǵdaıda qondy
ASTANA.KAZINFORM - Tehnıkalyq aqaýǵa baılanysty Armenııaǵa bara jatqan premer-mınıstr Pedro Sanches mingen ushaq Túrkııaǵa apatty jaǵdaıda qondy, dep habarlaıdy El Nacional.
Premer-mınıstr delegatsııasymen birge VIII Eýropalyq qoǵamdastyq sammıtine qatysý úshin Erevanǵa bara jatqan. Alaıda tehnıkalyq aqaýǵa baılanysty ushaq Ankaraǵa qondy. Onda ıspan delegatsııasy túnep, dúısenbi kúni tańerteń Armenııaǵa ushty.
Ispanııa premer-mınıstriniń ushaǵyndaǵy tehnıkalyq aqaý túni boıy jóndeldi. Ushaq dúısenbi kúni tańerteń Ankaradaǵy Esenboga áýejaıynan ushyp ketti.
Eýropalyq qoǵamdastyq sammıtiniń plenarlyq otyrysyna jáne «Demokratııalyq tózimdilik jáne gıbrıdti qaýipter» atty dóńgelek ústel talqylaýyna qatysqannan keıin Sanches búgin Madrıdke oralýy tıis.
Buǵan deıin Qyrǵyzstan aýmaǵyna reseılik ushaqtan eki oq-dári túskenin habarlaǵan edik.
