Jyl sońyna deıin aýyldarda 59 medıtsınalyq nysan ashylady

ASTANA. KAZINFORM – Qazaqstanda aýyldyq óńirlerdiń turǵyndary úshin medıtsınalyq kómektiń qoljetimdiligi men sapasyn arttyrýǵa baǵyttalǵan «Aýyldyq densaýlyq saqtaýdy jańǵyrtý» ulttyq jobasyn iske asyrý jalǵastyryp jatyr.

Joba Memleket basshysynyń tapsyrmasyna sáıkes iske asyrylýda jáne úsh negizgi baǵytty kózdeıdi:

aýyldyq eldi mekenderdi medıtsınalyq-sanıtarııalyq alǵashqy kómek (MSAK)uıymdarymen qamtamasyz etý;

aýyl turǵyndaryna shuǵyl kómek kórsetý;

aýyldyq densaýlyq saqtaý nysandarynyń kadrlyq áleýetin nyǵaıtý.

Jobanyń sheńberinde 655 medıtsınalyq-sanıtarııalyq alǵashqy kómek nysany — medıtsınalyq pýnktter, feldsherlik-akýsherlik pýnktter men dárigerlik ambýlatorııalar salý kózdelgen.

Búgingi tańda 596 nysannyń qurylysy aıaqtaldy, onyń ishinde:

387 eskirgen ǵımarattardyń ornyna salynǵan;

209 buryn medıtsınalyq ınfraqurylymy bolmaǵan eldi mekenderde turǵyzyldy.

Qalǵan 59 nysandy aǵymdaǵy jyldyń sońyna deıin paıdalanýǵa berý josparlanýda.

Sonymen qatar, joba mynalardy qamtıdy:

32 aýdandyq ortalyq aýrýhanany jańǵyrtý;

aýyldyq óńirler úshin 1100-den astam medıtsına qyzmetkerlerin daıarlaý.

— Aýyldyq densaýlyq saqtaýdy jańǵyrtý jobasy sońǵy kezeńge shyqty. Aldaǵy aılarda Qazaqstannyń aýyl turǵyndary jańa zamanaýı medıtsınalyq nysandarǵa qol jetkize alady, bul medıtsınalyq kómektiń sapasy men qoljetimdiligin aıtarlyqtaı arttyrady, — dep atap ótti Densaýlyq saqtaý mınıstrligi. 

Aıta ketelik 2027 jylǵa deıin 6500-den astam MSAK mamandary biliktiligin arttyrady.