Iranda dollar baǵamy tarıhı maksımýmǵa jetti
ASTANA. KAZINFORM — Irannyń erkin valıýta naryǵynda AQSh dollarynyń quny 184 myń týmanǵa deıin kóterilip, tarıhı eń joǵary deńgeıge jetti. Bul týraly Anadoly agenttigi jazdy.
AQSh dollarynyń ıran ulttyq valıýtasyna shaqqandaǵy baǵamy osylaısha rekordtyq deńgeıge jetken.
Aqparatqa sáıkes, 28 aqpanda AQSh pen Izraıldiń áreketterine deıin bir dollar shamamen 160 myń týman turǵan.
Ulttyq valıýta qunynyń tómendeýi sońǵy áskerı qaqtyǵystardan keıingi ekonomıkalyq qysym men AQSh tarapynan engizilgen qatań sanktsııalardyń kúsheıýimen baılanysty bolyp otyr.
Buǵan deıin Iran Ormýz buǵazy arqyly tranzıt úshin esep aıyrysýdy rıalmen júrgizýdi usynǵan bolatyn.
Eske sala keteıik, buǵan deıin AQSh-tyń Iranǵa qarsy engizgen teńiz blokadasy Tegeranǵa shamamen 4,8 mlrd dollar kóleminde ekonomıkalyq shyǵyn ákelgenin jazdyq.
