Jyl basynan beri Qazaqstanda 88 myń neke tirkelgen
ASTANA. KAZINFORM — Bıylǵy toǵyz aıda Qazaqstanda shamamen 88 myń neke tirkelgen. Bul týraly «Azamattarǵa arnalǵan úkimet» Memlekettik korporatsııasynyń baspasóz qyzmeti málim etti.
Neke sany boıynsha Almaty qalasy aıqyn kósh bastap tur — osy kezeńde munda 14 254 jup nekesin resmı túrde qıǵan.
Ekinshi orynda — Astana qalasy, onda 10 142 jup ómirin bir arnaǵa toǵystyrǵan.
Úshinshi oryn Túrkistan oblysyna tıesili — munda 6 687 neke tirkelgen.
Al top-5-ti myna óńirler túıindedi: Shymkentte 5 570 neke, Qaraǵandy oblysynda 5 394 neke tirkelgen.
Aıta keteıik, Qazaqstandyqtar arasynda etnosaralyq nekeler sany artyp keledi.
Sondaı-aq nekege májbúrlegender 10 jylǵa deıin sottalýy múmkin.
Mamyr aıynda Astanada bir mezette 25 kelinniń betashary ótken bolatyn.
Al bala týý kórsetkishi boıynsha Túrkistan oblysy respýblıkada kósh bastap tur.
