Jyl basynan beri 6 oqýshy esirtki qylmysyn jasady - ІІM

Іshki ister mınıstrliginde ótken brıfıngi barysynda vedomstvonyń ókili Shuǵyla Turlybek kámeletke tolmaǵandar arasynda tirkelgen esirtki qylmystary týraly derekter keltirdi, dep habarlaıdy QazAqparat tilshisi.

«Eger 2020 jyly kámeletke tolmaǵandar 15 esirtki qylmysyn jasasa, onyń 5-i satý faktisine qatysty, al 2021 jyly bul kórsetkish 26 faktige ósken, onyń 10-y satý faktisi. 2022 jyly kámeletke tolmaǵandar 25 esirtki quqyq buzýshylyǵyn jasaǵan, olardyń jartysy esirtkini satýǵa qatysty. Bıyl qylmystyq is júrgizýge 29 kámeletke tolmaǵan bala tartyldy, onyń ishinde 13 kolledj stýdenti, joǵarǵy oqý oryndarynyń 3 stýdenti jáne 6 oqýshy bar», - dep toqtaldy ІІM ókili Shuǵyla Turlybek.

Sonymen birge ol eldegi krımınogendik jaǵdaıdy baıan etti. Shuǵyla Turlybektiń aıtýynsha, bir apta ishinde Qazaqstanda 2 526 qylmys jasalyp, onyń 1 556-sy táýlik ishinde ashylǵan.