Kókshetaýda polıtsııa mototsıkl júrgizýshisinen 5 keliden astam marıhýana tárkiledi
ASTANA. KAZINFORM — Patrýldik polıtseıler qyzmet barysynda esirtkiniń iri partııasyn zańsyz saqtaý faktisiniń jolyn kesti.
Krasnyı ıAr aýylynda polıtseıler mototsıkl júrgizýshisin toqtatty, onyń minez-qulqy kúdik týdyrǵan.
Tekserý barysynda tártip saqshylary esirtkige mas bolýynyń yqtımal belgilerine nazar aýdardy. Mán-jaıdy anyqtaý kezinde er adam tyıym salynǵan zattyń bir dozasyn óz erkimen berdi.
Polıtsııa qyzmetkerleriniń jumysy odan ári jalǵasty: quqyq buzýshynyń turǵylyqty jerin tekserý kezinde 8 qap pen 6 qapshyq tabyldy, boljam boıynsha ishindegi zat — marıhýana. Aldyn ala málimetter boıynsha, tárkilengen zattardyń jalpy salmaǵy 5 keliden asady.
Alynǵan zattar sot saraptamasyna jiberildi. Osy fakti boıynsha qylmystyq is qozǵaldy.
Aıta ketelik Almatyda 20 jastaǵy kýrerden 2,5 keli esirtki tárkilengen edi.
