Jetisý oblysynda prokýratýra qyzmetkerleri ustaldy - UQK
ASTANA. KAZINFORM – Ulttyq qaýipsizdik komıteti Jetisý oblysynda prokýratýra qyzmetkerlerin ustaý faktisin rastady.
Ulttyq qaýipsizdik komıtetiniń málimetinshe, Jetisý oblysy boıynsha QR Bas prokýratýrasy Quqyqtyq statıstıka jáne arnaıy esep basqarmasynyń qyzmetkerlerin ustaý faktisi boıynsha sotqa deıingi tergeý júrgizilip jatyr.
- QR Qylmystyq-protsestik kodeksiniń 201-babynyń 1-tarmaǵyna sáıkes basqa aqparat jarııalanbaıdy, - delingen qujatta.
Áleýmettik jelilerde, sonyń ishinde Telegram messendjerinde, Táýelsizdik kúnin merekeleýge bir kún qalǵanda atalǵan vedomstvo qyzmetkerleriniń ustalýy jáne qamaýǵa alynǵany týraly aqparat taraǵan bolatyn.
Sondaı-aq tergeý sharalary barysynda Almaty oblysynyń lıtsenzııalyq-ruqsat berý júıesi qyzmetkerleri de tekserilýi múmkin delingen.
Resmı organdar ázirge istiń basqa derekteri boıynsha aqparat bermedi.
Aıta keteıik, Qostanaı oblysynda 2 mlrd teńgeni jymqyrǵan eks-basshy men orynbasary ustaldy.
Sonypen qatar jazany jeńildetý úshin 2,5 mln teńge suraǵan prokýrorǵa úkim shyqty.