Astana men Sankt-Peterbýrg arasyndaǵy áýe qatynasy qaıta jandandy
ASTANA. KAZINFORM — «Rossııa» áýe kompanııasy Astana men Sankt-Peterbýrg qalalary arasyndaǵy tikeleı reısterdiń qaıta iske qosylǵanyn habarlady. Turaqty áýe qatynasy 3 maýsymnan bastalady. Bul týraly Astana áýejaıy málimdedi.
Reıster Airbus A319 ushaqtarymen, «ekonom» jáne «bıznes» synyptarynan turatyn eki klasty konfıgýratsııada oryndalady. Jazǵy kestege sáıkes, aptasyna úsh reıs josparlanǵan: Astanadan ushýlar — dúısenbi, beısenbi jáne senbi kúnderi, al Sankt-Peterbýrgten — seısenbi, juma jáne jeksenbi kúnderi.
Bul baǵyt jolaýshylar arasynda suranysqa ıe bolady dep kútilip, Astana men Sankt-Peterbýrg arasyndaǵy týrıstik jáne iskerlik baılanystyń artýyna yqpal etpek.
Aıta keteıik, buǵan deıin 1 mamyrdan bastap Almaty men Ońtústik Koreıanyń Pýsan qalasy arasynda da tikeleı áýe qatynasy ashylǵan bolatyn.
