Jetisýda jol apatynan bir adam qaıtys boldy

TALDYQORǴAN. QazAqparat - Jetisýda jol apatynan bir adam qaıtys boldy,- dep habarlaıdy QazAqparat tilshisi.

Jol apaty Eskeldi aýdanynda boldy. Aldabergenov aýylynyń janyndaǵy avtojolda Toyota Prado men Toyota Camry soqtyǵysqan.

«Oqıǵa ornynda jeńil kólikti basqarǵan 47 jastaǵy er adam qaza tapty. Jol talǵamaıtyn kólik júrgizýshisi jolaýshysymen birge aýyr dene jaraqattarymen aýdandyq aýrýhanaǵa jetkizildi»,- delingen Jetisý oblystyq polıtsııa departamenti baspasóz qyzmetiniń habarlamasynda.

Ólimge ákep soqtarǵan jol apatynyń mán-jaıy anyqtalyp jatyr.