Bala kek qurbanyna aınaldy: Pavlodar oblysynda er adam týǵan qyzyn óltirdi degen kúdikke ilindi
PAVLODAR. KAZINFORM — Pavlodar oblysynda 26 jastaǵy er adamǵa óz týǵan qyzyn óltirdi degen aıyp taǵyldy. Tergeý nusqasyna sáıkes, qaıǵyly oqıǵa er adamnyń balanyń ózine tıesili ekenine kúmán keltirýinen bastalǵan.
«Irbıs» telearnasynyń habarlaýynsha, er adam jubaıymen birge úsh jastaǵy qyzyn jáne 2025 jyldyń mamyrynda týǵan ulyn tárbıelep otyrǵan. Tergeý málimetterine sáıkes, kúdikti keıinnen qyzdyń óz balasy emes degen kúdikke baryp, balaǵa qatysty zorlyq áreketter jasaǵan.
Prokýrordyń aıtýynsha, ákesi balany sharfpen tósekke baılap, túni boıy qozǵalysyn shektep, birneshe ret uryp-soqqan. Bul áreketter birneshe aı boıy jalǵasqany aıtyldy.
Qaıǵyly oqıǵa bolǵan kúni er adam kórshisiniń monshasynda ishimdik ishken. Keıin keshki ýaqytta úıine baryp, balany alyp shyqqan. Odan keıin ol qyzǵa soqqy jasap, qaıtadan monshaǵa oralǵan soń ony beton edenge laqtyrǵany habarlandy.
Qazirgi ýaqytta is boıynsha sotqa deıingi tergeý júrgizilip jatyr.
Eske sala keteıik, buǵan deıin Túrkistan oblysynda atasy nemeresin zorlady degen kúdikke ilingen bolatyn.
