Jem ózeninde sý deńgeıi tómendeı bastady
ATYRAÝ. KAZINFORM - Vıtse-premer, sý tasqynyna qarsy is-sharalardy úılestirý jáne sý tasqyny kezeńiniń saldaryn joıý jónindegi respýblıkalyq shtab meńgerýshisiniń orynbasary Qanat Bozymbaev Atyraý oblysynda jumysyn jalǵastyryp jatyr.
Búgin óńir basshysymen birge jaǵdaıdy tekserý úshin Qulsary qalasynan Aqtóbe oblysynyń shekarasyna deıingi aýmaqtyń ústimen ushyp ótti.
Sý beketterindegi málimet boıynsha, Jem ózeninde sý deńgeıi tómendegen, Jylyoı aýdany men Qulsary qalasyn sý basqan.
Vıtse-premer qorǵanys qurylystary men úıindi bógetterdi aralap, tekserdi.
Sonymen qatar Qulsary qalasynyń turǵyndarymen kezdesti. Ol sý tasqynyna qarsy is-sharalar jospary, qalpyna keltirý jumystarynyń bastalýy týraly aıtty, sondaı-aq apat saldarynan keltirilgen zalaldy óteý úshin ótemaqy tólemderiniń algorıtimin túsindirdi.
Myńdaǵan qazaqstandyq Qulsary turǵyndarynyń qaıǵysyna ún qosty.
Gýmanıtarlyq kómek taratý beketinde birneshe ondaǵan tonna azyq-túlik, kıim-keshek, jalpy tutyný taýarlary jınaldy.
Qanat Bozymbaev gýmanıtarlyq kómek berý barysynda ashyqtyqty qamtamasyz etip, qoǵamdyq baqylaýdy kúsheıtýdi tapsyrdy.
