Pavlodarda 2 myńnan astam bilim berý qyzmetkeriniń derekteri tarap ketken
ASTANA. KAZINFORM — Oblystyq prokýratýra Pavlodarda jeke derekterdiń taralýyna tosqaýyl qoıdy, dep habarlaıdy.
Memlekettik satyp alý portalynda oblys ortalyǵyndaǵy mektepterdiń medıtsınalyq tekserý boıynsha qyzmetterdi satyp alýy týraly habarlandyrýlar ornalastyryldy.
Bul rette 28 bilim berý uıymdarymen konkýrstyq qujattamada óz qyzmetkerleriniń derbes derekterin, ıaǵnı olardyń saýalnamalyq derekteri, turǵylyqty mekenjaılary, telefon nómirleri kórsetildi.
Jeke derekterdiń erkin qoljetimdiligi eńbek zańnamasynyń normalaryn buzýmen qatar, olardy alaıaqtyq maqsatta paıdalaný qaýpin týyndatady.
— Pavlodar qalasy prokýratýrasynyń qadaǵalaý aktisi boıynsha bilim berý salasynyń 2 065 qyzmetkeriniń derbes derekteri ashyq kózderden alynyp tastaldy, al kináli tulǵalar tártiptik jaýapkershilikke tartyldy. Qabyldanǵan sharalar zańdylyqty qalpyna keltirýge, anyqtalǵan buzýshylyqtardy joıýǵa jáne azamattardyń quqyqtaryn qorǵaýǵa múmkindik berdi, — delingen Pavlodar oblysy prokýratýrasy taratqan aqparatta.
Budan buryn Stepnogorsk qalasynyń prokýratýrasy aýrýhananyń operatsııalyq blogyn salý barysynda zańbuzýshylyqtardy toqtatqanyn jazdyq.
