Jaıyq pen Qıǵash ózenderin tereńdetý jalǵasady
ATYRAÝ. QazAqparat –Atyraý oblysynda Jaıyq pen Qıǵash ózenderin tereńdetý jumystary jalǵastyrylady, dep habarlaıdy QazAqparat.
Atyraý oblysynyń ákimi Mahambet Dosmuhambetovtiń aıtýynsha, Jaıyq pen Qıǵash ózenderiniń túbin tereńdetý 2017 jyldan beri júrgizilip keledi. Osy maqsatqa 7,1 mlrd teńgeden astam qarajat baǵyttaldy. Tereńdetiletin aýmaqtyń jalpy uzyndyǵy – 214 km.
«Jaıyq ózenin, Qurmanǵazy, Jarqosyn, ıAıtskıı kanaldaryn tereńdetý jumystaryn júrgizýdiń maqsaty – balyq qoryn saqtaý, balyqtyń tabıǵı ósip-ónýine qolaıly jaǵdaı jasaý» - dedi aımaq basshysy.
Qazirge deıin 91,1 km aýmaq tereńdetilgen. Jumystar bıylǵy jyldyń sońyna deıin aıaqtalady dep kútilýde. Bul maqsatqa 2,4 mlrd teńge qarastyrylǵan.
