Pavlodarda óndiristik jaraqattar taý-ken metallýrgııa salasynda jıi tirkeledi
PAVLODAR. KAZINFORM — Jyldyń alǵashqy toqsanynda óńirdegi memlekettik eńbek ınspektorlary turǵyndardyń 364 ótinishin qaraǵan. Olardyń ishinde 43 shaǵym eńbekti qorǵaý máselelerine qatysty bolǵan.
Memlekettik eńbek ınspektsııasy komıtetiniń Pavlodar oblysy boıynsha departamenti basshysynyń orynbasary Abylaı Sabyrovtyń aıtýynsha, bıylǵy jyldyń alǵashqy toqsanynda óndiristegi jazataıym oqıǵalardyń sany 2025 jyldyń sáıkes kezeńimen salystyrǵanda eki jaǵdaıǵa azaıǵan.
— Barlyq ótinishter belgilengen tártippen qaraldy. Anyqtalǵan buzýshylyqtar boıynsha tıisti sharalar qabyldandy, — dep habarlady departament ókili.
Zardap shekkenderdiń eń kóp sany taý-ken metallýrgııa salasynda tirkelgen. Bul óndiristik nysandardyń joǵary shoǵyrlanýymen jáne jumystardyń qaýiptiligimen baılanysty. Árbir derek boıynsha tekserýler júrgizilip, sebepteri anyqtalǵan jáne olardy joıý boıynsha sharalar qabyldanǵan.
Eske sala keteıik, Aqsý ferroqorytpa zaýytynda jumysshy qaza tapty.
