Jaına Shekerbekova «Strandja kýbogyn» sátti bastady

ASTANA. KAZINFORM — Álem chempıonatynyń 3 márte júldegeri Jaına Shekerbekova (54 keli) Bolgarııa astanasy Sofııa qalasynda ótip jatqan bokstan «Strandja kýbogy» halyqaralyq týrnırin sátti bastady.

Halyqaralyq týrnırde otandasymyz bolgarııalyq Tala Habbaspen sheberlik baıqasyp, óziniń deńgeıi joǵary ekenin kórsetti. Nátıjesinde ol qarsylasyn 5:0 esebimen tize búktirip, jarysty jalǵastyrýǵa múmkindik aldy.

Endi el quramasynan kúndizgi sessııada A rınginde 51 kelide Jazıra Oraqbaeva, Anıta Adısheva, 70 kelide Mádına Nurshaeva, B rınginde 54 kelide Ánel Saqysh, Elına Bazarova, 55 kelide Baǵlan Kenjebek, Tımýr Qabdeshov sharshy alańǵa shyǵady.

Al keshki sessııada A rınginde 65 kelide Ábdikárim Ábdiǵalym, Ilıa Kalının, Ertýǵan Zeınýllınov, 90 kelide Dáýlet Tólemisov, B rınginde 85 kelide Sultanbek Aıbaruly, Bekzat Tańatar, 90 kelide Nurmagamed ıÝsýpov el namysyn qorǵaıdy.

Aıta ketsek, Qazaqstan Bolgarııa astanasy 39 boksshyny attandyrdy. Bıyl «Strandja kýbogy» 77 márte ótkizip jatyr. Bul týrnır Eýropa qurlyǵyndaǵy tarıhı tereń sporttyq jarys sanalady. 

Qazirge deıin otandastarymyz týrnırden 23 altyn, 34 kúmis, 45 qola júlde enshiledi. Onda Qazaqstan quramasy alǵash ret 1994 jyly baq synady. Onda 75 kelide Valerıı Kýzmentsov kúmis júlde alǵan edi. 2005 jyly Serik Sápıev (60 keli) elimizdiń atynan alǵashqy chempıon retinde tirkeldi. Al áıelder arasynda Valentına Halzova 2 márte jeńimpaz tuǵyryna kóterilse, erler arasynda Ertýǵan Zeınýllınovtiń qatarynan ekinshi márte chempıon atanýǵa múmkindigi bar.