Astanadaǵy N. Tilendıev dańǵylynyń bir bóligi 7 kúnge jabylady
ASTANA. KAZINFORM – Astanada Kólik jáne jol-kólik ınfraqurylymyn damytý basqarmasy 2-9 mamyr aralyǵynda N. Tilendıev dańǵylynyń Saryarqa dańǵylynan K. Kúmisbekov kóshesine deıingi aralyǵyna ortasha jóndeý júrgizedi, dep habarlaıdy elorda ákimdiginiń resmı saıty.
Osy ýaqytta kólik qozǵalysy eki baǵytta bir jaǵynan kezeń-kezeńimen uıymdastyrylady.
Júrgizýshiler men jaıaý júrginshiler júrý baǵytyn aldyn ala josparlaýy jáne yqtımal ózgeristerdi eskerýi qajet. Qaýipsizdikti qamtamasyz etý jáne qolaısyzdyqty azaıtý úshin ýaqytsha jol belgileri men kórsetkishter ornatylady.
Aıta keteıik, osyǵan deıin elordadaǵy Syǵanaq pen Áıteke bı kósheleriniń qıylysy ishinara jabylatynyn jazǵan edik.
