Jastar arasyndaǵy ÁCh: Grek-rım kúresinen Sultan Ásetuly fınalǵa shyqty
Albanııa astanasy Tıranada ótip jatqan 23 jasqa deıingi jastar arasynda álem chempıonatynda grek-rım kúresinen Sultan Ásetuly (67 keli) fınalǵa shyqty, dep habarlaıdy Kazinform.
Ol jartylaı fınalda Ázirbaıjan kóshbasshysy Hasan Mammadıdi 9:0 esebimen aıqyn basymdyqpen tize búktirdi.
Fınaldaǵy qarsylasy - túrkııalyq Mustafa Iyldyrym.
Eske salsaq, budan buryn álem chempıonatynda áıelder kúresinen Altyn Shaǵaeva (53 keli) men Irına Kýznetsova (62 keli) qola júldeger atandy.
Altyn qola medal úshin beldesýde rýmynııalyq Beatrıs Ienoladan basym tústi. Al Irına qola júldege talasta úndistandyq sportshyny jeńdi.
Aıta ketsek, Asyljan Esengeldi atalǵan dúbirli dodada erkin kúresten álem chempıonatynyń kúmis júldegeri atandy.
