Jasandy aralda álemdegi eń iri meshit boı kóteredi

ASTANA. 30 qazan. QazAqparat - Ázirbaıjan eliniń astanasyndaǵy jasandy aralda jańa meshit turǵyzylatyn boldy. Ol álemdegi musylman qaýymynyń eń úlken qulshylyq úıi bolmaq.

Málimetterge qaraǵanda, Kaspıı teńiziniń 78 jasandy aralyn qamtıtyn Bakın býhtasynda Khazar Islands («Hazar araly») dep atalatyn tutas bir qala turǵyzylatyn kórinedi. Jasandy araldardyń arasyn 150 kópir jalǵap turady. Qazirgi ýaqytta qala qurylysynyń tórtten bir bóligi aıaqtalyp qaldy. Tipti, araldaǵy páterlerdiń satylyp jatqanyn, olardyń 213-i óz qojaıyndaryn «tapqanyn» aıta ketý kerek.

Buǵan qosa, joǵaryda aıtqanymyzdaı, aralda álemdegi eń iri meshit salynatyn bolady.

Ózgeshe jobanyń qurylysy osydan eki jyl buryn bastalǵan bolatyn. Atalmysh joba 100 mlrd dollarǵa baǵalanǵan. Hazar aralynyń jalpy aýdany, barlyq kommýnıkatsııasyn qosa eseptegende, 24 shm²-di quraıdy. Bul araldaǵy qala ınfraqurylymy 19 yqsham aýdan, 50 shaqyrymǵa sozylǵan býlvar, avtokólik joly jáne t.b. qamtıtyn bolady. Ózgeshe qalanyń alǵashqy turǵyny 2014 jyly aralǵa aıaq basatyny aıtylǵan. Jalpy qurylysy 2023 jyly aıaqtalatyny josparlanǵan. Bul týraly muslim.kz habarlady.