Jandy terbegen estelikter: Prezıdent Teleradıokesheni erekshe joba bastady

ASTANA. KAZINFORM - Uly Jeńistiń 80 jyldyǵyna oraı Prezıdent Teleradıokesheni erekshe jobany iske qosty. Kazinform agenttiginiń fotomuraǵatyndaǵy Ekinshi dúnıejúzilik soǵys jyldary kezinde túsirilgen sırek sýretter jańa tehnologııa kómegimen túrli túske boıalyp, qımyldaıdy.

Máselen, myna sýret 1941 jyly túsirilgen. Onda úzdik komsomol jumysy úshin Lenıngrad qalasy VLKSM Qyzylgvardııa aýdandyq komıteti №46 balalar úıiniń komsomol uıymy Qyzyl Týmen marapattaldy.

Týdy balalar úıiniń aǵa pıoner jetekshisi Lıdııa Aleksandrovna Kostına aldy. Sol jaqtaǵy qatarda qazaqtyń qaharman qyzy Álııa Moldaǵulova segizinshi bolyp tur.

Bul kadrlarda soǵystyń qasiretti jyldaryn bastan ótkergen jaýyngerlerdiń, medbıkelerdiń, tyl eńbekkerleriniń júzderi beınelengen. Bul jaı ǵana estelik emes, qurmet men rızashylyqtyń belgisi, ótkenge jańasha kózqaraspen qaraý múmkindigi.

Joba elimizdiń temirjol vokzaldary men áýejaılaryndaǵy LED ekrandardan kórsetiledi. Al 5 mamyrda Astanadaǵy «Nurly jol» vokzalynda «QTJ» UK» AQ qoldaýymen «JEŃІSTІŃ 80 JYLDYǴY. KAZINFORM FOTOShEJІRESІ» atty fotokórme ashylady.

Aıta keteıik, Aqtóbede zaǵıptar qoǵamy Álııa Moldaǵulovanyń 100 jyldyǵyna arnalǵan spektakl qoıdy.

Aqtóbede Álııa Moldaǵulova mýzeıi jańardy. Álııa Moldaǵulovanyń týǵanyna 100 jyl jáne Jeńistiń 80 jyldyǵyna oraı mýzeı ishi zamanaýı tehnologııalarmen qaıta jabdyqtaldy.