Jańbyr, qar, úsik: Sársenbige kún raıy boljamy

Sársenbi kúni Qazaqstan aýmaǵynyń basym bóligine antıtsıklon jotasy áser etip, jaýyn-shashynsyz kún raıy qalyptasady. Eldiń batysynda, soltústik-batysy men shyǵysynda atmosferalyq fronttardyń ótýimen jańbyr jaýady, shyǵysynda jańbyr men qar túrinde jaýyn-shashyn kútiledi. Respýblıka boıynsha tuman boljanady. Sondaı-aq eldiń soltústiginde, ońtústigi men batysynda ekpindi jel turady, dep habarlaıdy QazAqparat «Qazgıdromet» RMK-ǵa silteme jasap.

Atap aıtqanda, túnde Aqmola oblysynyń ońtústiginde, shyǵysy men ortalyǵynda, Soltústik Qazaqstan oblysynyń ońtústik-shyǵysynda – 1-3 gradýs, Qostanaı oblysynyń ońtústik-shyǵysynda 1 gradýs úsik júredi.

Túrkistan, Qyzylorda oblysynyń ortalyǵynda, shyǵysy men ońtústiginde órt tutaný qaýpi saqtalyp otyr.

Jambyl oblysynda, Atyraý oblysynyń ońtústigi men shyǵysynda, sondaı-aq órt qaýpi joǵary.