World Boxing quramyna qabyldanǵan elderdiń sany 175-ke jetti
ASTANA. KAZINFORM - Bul uıymdy Halyqaralyq olımpıadalyq komıteti moıyndaǵan. Uıymǵa dúnıejúzilik kóptegen sporttyq sharany uıymdastyrý mindeti júktelgen.
World Boxing Atqarýshy komıteti Antıgýa jáne Barbýda, Kamerýn, Kıýrasao, Gabon, Grenada, OAR, Vanýatý boks federatsııalaryn uıym quramyna qabyldaýdy maquldady.
Jańa múshelikke ótinish bergen federatsııalar qatań irikteý kezeńinen ótti. Olar basqarý júıesinde ashyq ári ádil saılaý ótkizetinin dáleldedi.
Sondaı-aq olar Dúnıejúzilik dopıngke qarsy agenttiktiń (WADA) talabyna saı antıdopıngtik saıasatty ustanatynyn kórsetti. Sonymen qatar, daýlardy sheshý jáne apellıatsııa berý júıesiniń táýelsiz nemese syrtqy baqylaýmen júzege asatyny rastaldy.
Halyqaralyq federatsııa 2023 jyly sáýir aıynda quryldy. 2025 jyldyń qarasha aıynda bul uıym tizginin qazaqstandyq tájirıbeli maman jáne belgili boksshy Gennadıı Golovkın ustady.
Onyń ókilettik merzimi 3 jylǵa sozylady. ıAǵnı, Los-Andjeles Olımpıadasyna deıin jalǵasady.
Oǵan deıin atalǵan qyzmetti nıderlandtyq Borıs van der Vorst atqarǵan edi.
Bıyl federatsııa tarapynan uıymdastyrylatyn kóptegen sporttyq sharalar engizilgen. Olardyń qatarynda Azııa jáne Eýropa chempıonattary, jazǵy Azııa oıyndary bar. Sondaı-aq World Boxing ótken jyldaǵy sekildi álem kýbogyn ótkizýdi josparlap otyr.
