Jánibek Álimhanuly Qazaqstanda chempıondyq ataǵyn qorǵaıdy

ASTANA. KAZINFORM – Orta salmaqta WBO jáne IBF nusqasy boıynsha álem chnmpıony, qazaqstandyq kásipqoı boksshy Jánibek Álimhanulynyń (16-0, 11KO) kezekti qarsylasy belgili boldy.

Top Rank promoýterlik kompanııasynyń habarlaýynsha, Jánibek Álimhanuly kezekti aıqasyn Qazaqstanda ótkip, frantsııalyq Anaýel Ngamıssengýge (14-0, 9KO) qarsy chempıondyq beldikterin qorǵaıdy.

Aıta keterligi, jekpe-jek 5 sáýir kúni Astana qalasynda ótedi dep josparlanyp otyr.

- Qurmetti jankúıerler, buıyrtsa 5 sáýir Astana qalasynda judyryqtasamyz! Óz elimde, sizderdiń aldaryńyzda óner kórsetýdi maqsat etip júr edim, oǵan da jettik! 2 álem chempıony tıtýlyn qorǵaımyz! Qazaq Style-dy rıng qasynda, arenada otyryp tamashalaısyzdar! Jeńisti kúnde júzdeseıik, - dep jazdy Jánibek áleýmettik jelidegi paraqshasynda.

Eske salsaq, Jánibek Álimhanuly sońǵy jekpe-jegin byltyr 4qazan kúni Aýstralııada ótkizip, Jańa Zelandııalyq Andreı Mıhaılovıchti toǵyzynshy raýndta tehnıkalyq nokaýtpen tize búktirdi.

Osyǵan deıin QR Týrızm jáne sport mınıstri Erbol Myrzabosynov Jánibektiń jekpe-jegin Qazaqstanda ótkizý týraly aıtqan bolatyn.