Jańaózende jańartylǵan HQKO ashyldy
AQTAÝ. KAZINFORM – Jańaózen qalasynda NEW CON ashylyp, tsıfrlyq keńse paıdalanýǵa berildi.
Atalǵan HQKO qyzmet kórsetýdi jańa formatta kórsetedi. Máselen, yńǵaılylyq úshin ortalyqtaǵy qyzmet kórsetý aımaqtary belgili bir tústerge bólingen. Bul bólimde jyldamdyq, áleýmettik qyzmet, qujattandyrý, ózine-ózi qyzmet kórsetý sektory men daıyn qujattardy berý aımaǵy qarastyrylǵan.
«Bul ortalyq Mańǵystaý oblysynda ashqan jańǵyrtylǵan ekinshi HQKO. Buǵan deıin Munaıly aýdandyq HQKO-ǵa jóndeý jumystary jasalyp, paıdalanýǵa berilgen bolatyn. Búginde azamattar bul bólimde memlekettik qyzmet alýdyń yńǵaılylyǵyn baǵalap úlgerdi. Sondaı-aq, qyzmet kórsetý ýaqyty da aıtarlyqtaı qysqardy», - dedi Mańǵystaý oblysy boıynsha Memlekettik korporatsııa fılıalynyń dırektory Aıbek Muzbaev.
Búginde Jańaózen qalasynda 150 myńǵa jýyq azamat turady. Atalmysh HQKO-ǵa kúndelikti 300-ge jýyq turǵyn keledi dep boljanyp otyr.
Aıta ketetin jaıt, Jańaózen qalasynyń HQKO-sy dúısenbi-juma kúnderi aralyǵynda 09:00-den 18:00-ge deıin jumys isteıdi. Qosymsha suraqtar boıynsha memlekettik korporatsııanyń «1414» birińǵaı baılanys ortalyǵy turǵyndar qońyraýyna jaýap beredi.
