Jańaózende sý keste boıynsha berile bastady

Nur-Sultan. QazAqparat - Bıylǵy 18 sáýirden bastap, qyrkúıek aıyna deıin Jańaózen qalasynda aýyz sý kestege sáıkes beriledi, dep habarlaıdy QazAqparat.

«ÓzenInvest» MKK málimetine qaraǵanda, qalada aýyz sý tapshylyǵy bar. Mundaı keleńsiz ahýal sýǵa suranys kúrt ósetin kóktem men jaz aılarynda baıqalady. Al ony úzdiksiz qamtamasyz etýge múmkindik joq.

«Bul másele 2024 jyly ǵana sheshilýi tıis. Sebebi, sol jyly táýligine 50 myń tekshe metr sý tuşytý qondyrǵysy salynady dep josparlanýda», - degen vedomstvo habarlamasynda.