Jańaózende 31 tyl ardageri turady
Sharaǵa tyl jáne eńbek ardagerleri, «Tájik-Aýǵan» soǵysyna, Qarabah qaqtyǵysyna, Chernobyl apaty saldaryn joıýǵa qatysqan ardagerler, Germanııadaǵy Keńes áskeriniń toby men Varshava kelisim-sharty áskeri tobynyń ardagerleri qatysty.
Ardagerlerge uıymdastyrýshylar tarapynan syı-sııapattar berilip, kók aspan tústes, oıýmen kómkerilgen «Jeńis» lentasy taǵyldy.
Jańaózendegi soǵys ardagerleriniń bári qaıtys bolǵan. Jyl ótken saıyn tylda eńbek etken ardagerler sany da azaıyp barady. Byltyr qalada 39 ardager bolsa, búginde 31 ardager bar.
«Ýaqyt alǵa jyljyǵan saıyn bul erliktiń shoqtyǵy bıiktep, qadir-qasıeti, baǵasy artyp, taǵlym-tárbıesi men mán-maǵynasy tereńdep, daralana túsedi. Azamattyq ardy tý etip, eren erliktiń úlgisin kórsetken jandarǵa árdaıym qamqorlyq jasaý paryzymyz», - deıdi uıymdastyrýshylar.
Basqosýdy Jańaózen qalasy ákimdigi men «ÓzenMunaıGaz» aktsıonerlik qoǵamy uıymdastyrylǵan.
