Janabylovtarǵa qatysty aldyn ala sot tyńdalymy bastaldy

ASTANA. KAZINFORM — Janabylovtar isi boıynsha sot otyrysy ashyq rejımde ótetin boldy.

Astananyń qylmystyq ister jónindegi aýdanaralyq sotynda blogerler Erbolat Janabylov pen Elmıra Tólegenovaǵa qatysty is boıynsha sot protsesi bastaldy.

Aldyn ala tyńdaý barysynda aıyptalýshylardyń advokaty sot protsesin jabyq rejımde ótkizý týraly ótinish bildirdi. Olar is materıaldarynda kommertsııalyq qupııaǵa jatatyn málimetter bar ekenin alǵa tartty.

Alaıda sýdıa bul ótinishti qanaǵattandyrýdan bas tartty. Soǵan sáıkes sot protsesi ashyq formatta jalǵasady.

Sonymen qatar aıyptalýshylar ózderin foto jáne vıdeoǵa túsirýge qarsy ekenin aıtty.

Eske sala ketsek, 11 avtokólikti utysqa qoıyp, kýrs satqan blogerler Erbolat Janabylov pen Elmıra Tólegenovaǵa qatysty qylmystyq is qozǵaldy.

Sonymen qatar mınıstr jelide avtokólikterdi utysqa tikken blogerlerge qatysty túsinik bergen edi.