Orynbordaǵy Irekli qoımasynan Jaıyqqa jiberiletin sý kólemi qaıta kóbeıdi
ORAL. KAZINFORM – Reseıdiń Orynbor oblysynda Irekli qoımasynan Jaıyq ózenine sekýndyna 60 tekshe metr sý jiberilip jatyr.
Keshege deıin sekýndyna 15 tekshe metr jiberilip kelgen edi.
«Qazsýshar» RMK Batys Qazaqstan fılıaly dırektorynyń mindetin atqarýshy Raýan Husaıynovtyń málim etkenindeı, Irekli qoımasynyń sýǵa toltyrylýy 90 paıyzdan asqan.
Raýan Erlanulynyń sózine qaraǵanda, soǵan baılanysty qoımaǵa quıylǵan sýdyń bir bóligi tómenge tastalyp jatyr. Bul Jaıyqqa pálendeı ózgeris ákelmeıdi.
– Bıylǵy 30 sáýirdegi málimet boıynsha Jaıyq ózenindegi sý deńgeıi Oral qalasy tusynda 287 santımetrdi kórsetti. Al Báıterek aýdany ıAnvartsev aýylynda 342 santımetrge deıin tústi. Mundaǵy gıdrobekettegi sý shyǵyny sekýndyna 471 tekshe metr boldy, - dedi R.Husaıynov.
Eske sala keteıik, budan buryn Batys Qazaqstan oblysyndaǵy sý qoımalarynyń jaǵdaıy qalaı ekenin jazǵan bolatynbyz.
Batys Qazaqstan oblysynda Jaıyq ózeniniń aǵysy báseńdedi.
