Janabylovtar isi sotqa joldandy

ASTANA. KAZINFORM – 11 avtokólikti utysqa qoıyp, kýrs satqan blogerler Erbolat Janabylov pen Elmıra Tólegenovaǵa qatysty qylmystyq is sotqa joldandy. 

Búgin Astana qalasynyń qylmystyq ister jónindegi aýdanaralyq sotynda blogerler Erbolat Janabylov pen Elmıra Tolegenova isi qaralady.

Olarǵa zańsyz kásipkerlik qyzmetpen aınalysý jáne qylmystyq jolmen alynǵan aqshalaı qarajatty zańdastyrý faktileri boıynsha aıyp taǵylǵan.

Sottyń habarlaýynsha, qylmystyq is boıynsha aldyn ala tyńdaý saǵat 15:00–ge belgilengen. Bul aqparatty Qazaqstan Respýblıkasynyń Qarjylyq monıtorıng agenttigi de rastady.

— Qazaqstan Respýblıkasy Qarjy monıtorıngi agenttigi Astana qalasynyń Ekonomıkalyq tergeý departamenti sotqa deıingi tergeýdi aıaqtap, is máni boıynsha qaraý úshin Astana qalasynyń qylmystyq ister jónindegi aýdanaralyq sotyna joldady, — delingen habarlamada.  

Aıta ketelik Bloger Janabylovtarǵa qatysty qylmystyq is qozǵalǵan edi. 

Sondaı-aq agenttik Janabylovtarda qylmystyq isten qutylatyn bir múmkindik bolǵany týraly aıtqan edi. 

Eske sala ketsek, jelide birneshe avtokólik utysyn jarııalaǵan qazaqstandyq blogerler Erbolat Janabylov pen Elmıra Tólegenova áreketin Týrızm jáne sport mınıstrligi nazaryna aldy. Sońynda is sotqa jetken edi. 

Sonymen qatar mınıstr jelide avtokólikterdi utysqa tikken blogerlerge qatysty túsinik bergen edi.