Jańa ereje: Almatyda mopedterge reıd júrgizildi

ALMATY. KAZINFORM — Qazaqstanda 5 sáýirden bastap mopedterdi basqarýdyń jańa erejeleri kúshine endi. Almatyda polıtsııa qyzmetkerleri júrgizýshi kýáligin, mopedti tirkeýdi tekserdi.

Qujatsyz jáne qorǵanys quraldarynsyz mototsıklderdi basqaratyn kámeletke tolmaǵan júrgizýshilerge erekshe nazar aýdaryldy.

— Biz bul reıdti aıyppul salý úshin ótkizip jatqan joqpyz. Bizdiń maqsatymyz — eskertý, túsindirý jáne jańa talaptarǵa beıimdelýge kómektesý. Ókinishke qaraı, sońǵy jyldary mopedter jol apattaryna jıi ushyrap jatyr. Júrgizýshiler arasynda kýáligi men dulyǵasy joq jasóspirimder jıi kezdesedi. Biz munyń qaıǵyly oqıǵamen aıaqtalýyn qalamaımyz. Polıtsııa ishki ister mınıstri jarııalaǵan aldyn alý jyly aıasynda áreket etýde. Biz qaýipsizdik pen tártipti jaqtaımyz jáne barlyǵyn – júrgizýshiler men jaıaý júrginshilerdi - Zańdy saqtaýǵa shaqyramyz, — dedi, Almaty qalalyq PD jergilikti polıtsııa qyzmeti basqarmasynyń bastyǵy Serik Shýmaev.

Aıtýynsha, jyl basynan beri Almaty joldarynda mopedterdiń qatysýymen 197 jol apaty boldy. Saldarynan 2 adam qaza taýyp, taǵy 203 adam ártúrli aýyrlyqtaǵy dene jaraqatyn aldy.

— Bul statıstıka ózi aıtyp tur. Jańa erejeler jaı ǵana formaldylyq emes. Bul joldardaǵy tártip pen ómirdi saqtaýǵa jasalǵan qadam. Adamdar erejelerdi saqtaýdyń mańyzdylyǵyn túsingenin qalaımyz, — dedi Serik Shýmaev.

Buǵan deıin mopedterin tirkemegenderge qandaı jaýapkershilik kózdelgenin jazǵan edik. 

ІІM Ákimshilik polıtsııa komıtetiniń tóraǵasy Qaısar Sultanbaev jol erejesin buzǵan moped júrgizýshilerine jaza qatańdatylatyny týraly aıtqan bolatyn.