QPL: «Ulytaý» óz alańynda «Elimaıdan» basym tústi
ASTANA. KAZINFORM – Fýtboldan Qazaqstan Premer-lıgasy VIІІ týrynyń ekinshi oıyn kúninde taǵy bir kezdesýdiń nátıjesi belgili boldy.
Bul joly «Ulytaý» (Jezqazǵan) - «Elimaı» (Semeı) komandalary sheberlik baıqasty.
Jezqazǵandyq klýb bıylǵy birinshilikti sátti bastady. Alǵashqy jeti týrda 11 upaı jınaǵan olar týrnır kestesinde aldyńǵy oryndarda kele jatqan edi. Olar óz alańynda qazirge deıin «Tobyl», «Qyzyljar», «Jetisý» sekildi qarsylastaryn tize búktirdi.
Semeılik komanda da 13 upaımen úzdik úshtikke jaqyn turdy. Oıynnyń 6-mınýtynda petropavldyq klýbtan Georgıı Býgýlov soqqan jalǵyz gol kezdesý taǵdyryn sheshti. Osylaısha «Ulytaý» qarsylasynan 1:0 esebimen basym túsip, týrnır kestesinde 14 upaımen tórtinshi orynǵa kóterildi.
Aıta ketsek, 2 mamyrda ótken oıyndarda óz alańynda Pavlodardyń «Ertisi» almatylyq «Qaıratqa» ese jiberse, petropavldyq «Qyzyljar» Kókshetaýdyń «Oqjetpesine» 0:1 esebimen jeńildi, al «Qaısar» (Qyzylorda) men «Jetisý» (Taldyqorǵan) 1:1 esebimen teń tarqasty.
Endi bul týrda, búgin, 3 mamyrda 17:00-de «Atyraý» -«Altaı» (Óskemen), 18:00-de «Jeńis» (Astana) - «Tobyl» (Qostanaı), 19:00-de «Kaspıı» (Aqtaý) - «Astana» kezdesse, 20:00-de «Ordabasy» (Shymkent) - «Aqtóbe» jasyl alańǵa shyǵady.
