Jambylda balabaqsha qarjysyn jymqyrǵan top ustaldy
Teris áreketke barǵan laýazymdy tulǵalardyń qylmystyq isi búgingi tańda sotta qaralýda. Bul másele Jýaly aýdany ákimdiginiń sybaılas jemqorlyqqa qarsy kúres komıssııasynyń keńeıtilgen otyrysynda saralandy.
Bilim mekemesindegi laýazymdy uıymdasqan top pen jeke kásipker aldyn ala sóz baılasyp, 7 398 467 teńgeni talan-tarajǵa salǵan. Endi olar QR Qylmystyq Kodeksiniń 189-baby, 3-bóligi, 1,2-tarmaǵy, 369-baby 1-bóligi, 385-baby, 1,3-bóligi boıynsha jaýapkershilikke tartylmaq.
Alqaly jıynda 2015-2025 jyldarǵa arnalǵan sybaılas jemqorlyqqa qarsy strategııany iske asyrýǵ baǵyttalǵan júıeli jumystar jaıy da aıtyldy.
«Pedagogtar men ata-analardan túrli sebep-syltaýmen aqsha jınaý, syılyq qabyldaýǵa qatań tyıym salynady»,-degen QR Sybaılas jemqorlyqqa qarsy is-qımyl agenttiginiń oblys boıynsha departament basshysynyń birinshi orynbasary Ravıl Tólebaev aýyl ákimderi men mekeme basshylaryna quqyq buzýshylyqqa jol bermeý kerektigin de eskertti.