Astanada Maral kópiri jóndeý jumystaryna baılanysty ishinara jabyldy
ASTANA. KAZINFORM – Astana qalasynyń Kólik jáne jol-kólik ınfraqurylymyn damytý basqarmasy 4-7 mamyr aralyǵynda Maral kópiriniń kólik aıyryǵynan Sharl de Goll kóshesine deıingi ýchaskede jol jóndeý jumystary júrgiziletinin habarlady.
Osyǵan baılanysty atalǵan aýmaqta qozǵalys ishinara shekteledi.
Vedomstvo qala turǵyndary men qonaqtarynan marshrýttaryn aldyn ala josparlap, qozǵalysty uıymdastyrýdaǵy ózgeristerdi eskerýdi suraıdy. Qaýipsizdikti qamtamasyz etý maqsatynda ýaqytsha jol belgileri men baǵyttaýshy kórsetkishter ornatylady.
Júrgizýshiler men jaıaý júrginshilerge ýaqytsha qolaısyzdyqtarǵa túsinistikpen qarap, jol qozǵalysyn josparlaý kezinde engizilgen ózgeristerdi eskerýge keńes beriledi.
Aıta keteıik, Túrkistandaǵy respýblıkalyq mańyzy bar tasjoldaǵy kópir kúzge deıin jabyldy.
