Jambyl oblysynda daýyl kúsheıdi
TARAZ. 23 sáýir. QazAqparat - Taraz qalasy men oblysta jaqyn táýlikterde shyǵys baǵytqa qaraı soqqan jeldiń kúsheıýi saqtalýda, dep habarlady aımaqtyń TJD-niń baspasóz qyzmetinen.
Jambyl gıdrometereologııa ortalyǵy aımaq turǵyndaryna birneshe kún boıy daýyl kóteriletini týraly eskertý jasaýda. Ótken aptanyń ishinde Tarazda jyldyń osy mezgili úshin jalpy zańdylyqtan aýytqyǵan aptap - 30 gradýstan joǵary ystyq bolǵan, keıirinek aýa temperatýrasy Tselsııdiń 20 gradýsyna deıin kúrt tómendegen.
Jambyl gıdrometereologııa ortalyǵynyń málimetterinshe, jaqyn táýlikterde Jambyl oblysynyń shyǵysyndaǵy Qordaı, Moıynqum jáne Shý aýdandarynda shyǵys baǵytyndaǵy jeldiń kúsheıýi saqtalady - keıbir jerlerde jeldiń jyldamdyǵy 30-35 m/s-ke deıin jetedi.
Oblystyq TJD-niń málimetterinshe, oblysta jeldiń kúsheıýine baılanysty eshqandaı búlinýler tirkelmegen.
