Zergerlik buıymdardyń kóbi synamasyz satylady – Qýanysh Elikbaev

Qazaqstanda satylatyn zergerlik buıymdardyń kópshiliginde synama joq. Bul týraly QR Saýda jáne ıntegratsııa mınıstrligi tehnıkalyq retteý jáne metrologııa komıtetiniń tóraǵasy Qýanysh Elikbaev málim etti, dep habarlaıdy Kazinform. 

«Zergerlik buıymdardy satý mańyzdy máselege aınaldy. Kez kelgen azamat zergerlik buıymdar satyp alady, alaıda onyń qazaqstandyq tańbasy bolýy kerek. Satýǵa shyǵarylǵan zergerlik buıymdardyń synamasy rastalyp ári saraptamadan ótýi tıis», - dedi Qýanysh Elikbaev Ortalyq kommýnıkatsııalar qyzmeti alańynda ótken baspasóz máslıhatynda.

Onyń aıtýynsha, kelesi jyly keshendi tekserý jumystary júrgiziledi.

«Taýar bizdiń elimizde saraptamadan ótpegen. Osyndaı 36% zańbuzýshylyq joıyldy. Olardyń synaqtan ótpegeni rastaldy jáne memlekettik organdarǵa habarlaı otyryp, zergerlik buıymdardy satý toqtatyldy. Degenmen zergerlik buıymdardy satýshylardyń 654 sýbektisi talapty oryndamady. Sondyqtan kelesi jyly keshendi tekserý júrgizemiz», - deıdi komıtet basshysy.