Zańsyz aınalymnan 25 atys qarýy tárkilendi
ASTANA. KAZINFORM – «Zań men tártip» qaǵıdaty aıasynda ІІM respýblıka aýmaǵynda «Qarý» jedel-profılaktıkalyq is-sharasyn ótkizdi.
Shara barysynda turǵylyqty mekenjaılar boıynsha 48 myńnan astam qarý ıesi, sondaı-aq ortalyqtandyrylǵan saqtaý oryndarynda saqtalǵan 3 myńnan astam qarý tekserildi.
Nátıjesinde qarý aınalymy men tirkeý tártibin buzýdyń 515 faktisi anyqtaldy. Onyń ishinde qarýdy saqtaý jaǵdaılarynyń zańnama talaptaryna sáıkes kelmeýi tirkeldi. Zańsyz aınalymnan 25 atys qarýy tárkilendi.
Sonymen qatar Almaty oblysynda 1944 jyly shyǵarylǵan Nagan oıyq uńǵyly tapansha tárkilendi. Atalǵan qarý Jetisý oblysynda jasalǵan qaraqshylyq shabýyl kezinde urlanǵan.
Budan bólek, «Qylmystyq qarý» esebinde turǵan, ishki ister organdarynyń baqylaýynan jaltaryp júrgen 7 qarý ıesiniń júrgen jeri anyqtaldy.
Máselen, Almaty qalasynda qarý ıesi Almaty oblysynyń aýyldyq okrýgine kóship ketkenine qaramastan, bir jyldan astam ýaqyt boıy ishki ister organdaryna júginip, qarýdy esepke qoımaǵan.
Nátıjesinde ol ákimshilik jaýapkershilikke tartylyp, qarýy tárkilendi.
Aıta ketelik shekarada qarý-jaraq, janarmaı jáne valıýta kontrabandasy áshkerelengen edi.
