ıÝNESKO Naýryz meıramyn atap ótti

ASTANA. QazAqparat - ıÝNESKO janyndaǵy Qazaqstannyń Turaqty ókildigi Parıjde Naýryz meıramyna arnalǵan tanystyrylymǵa qatysty, dep habarlaıdy QazAqpara SІM baspasóz qyzmetine silteme jasap.

ıÝNESKO-nyń shtab-páterindegi is-sharany Aýǵanstan, Ázerbaıjan, Irak, Iran, Qazaqstan, Pákistan, Tájikstan, Túrikmenstan jáne Túrkııanyń delegatsııalary birlese ótkizdi. Oǵan dıplomatııalyq, saıası jáne iskerlik toptardyń, óner, ǵylym jáne bilim berý salalarynyń, Naýryzdy toılaıtyn elderdiń Frantsııadaǵy dıasporalarynyń tanymal ókilderi qatysty.

Іs-sharanyń ashylýynda sóılegen ıÝNESKO Bas dırektorynyń orynbasary Getachev Engıda barshany kele jatqan meırammen quttyqtap, 2016 jyly 12 memlekettiń usynymymen Naýryz meıramyn toılaý dástúri Adamzattyń materıaldyq emes murasynyń reprezentatıvti tizimine engizilgenin erekshe atap ótti.

«Ejelden kele jatqan kóktem men jańarýdyń osy jarqyn merekesi barlyq halyqtarǵa jaqyn beıbitshilik pen adam jáne tabıǵat arasyndaǵy úılesimdiliktiń qundylyqtaryn nasıhattaıdy», - dedi ol.

Jınalǵan qonaqtarǵa arnalyp qasıetti dombyrada kúı shertildi. Ulttyq aspabymyzda kúı oryndaý óneri de 2014 jyly ıÝNESKO-nyń materıaldyq emes mura tizimine engizilgen bolatyn. Otandasymyz Álıbı Baıtoqanyń oryndaýynda Qurmanǵazynyń «Balbyraýyn» jáne Seken Turysbekovtyń «Kóńil tolqyny» sııaqty tamasha shyǵarmalary oryndaldy.

Sonymen qatar, tanystyrylym barysynda árbir delegatsııa óziniń ulttyq taǵamdaryn usyndy. Qazaq dastarhanymen tanysqan qonaqtar naýryz kóje, qazy, jaıa, mánti, samsa, baýyrsaq, qurt, jent pen irimshikten dám tatty.

Prezentatsııaǵa jınalǵandar mádenıet, ǵylym jáne bilim berý salasyndaǵy irgeli halyqaralyq uıymnyń bas páterinde, álemniń jetekshi mádenı ortalyqtarynyń birinde Naýryzdy atap ótý kóktem men rýhanı jańǵyrýymyzdyń osyndaı tamasha meıramyn toılaıtyn Qazaqstannyń jáne basqa da kórshiles elderdiń baı murasyn nasıhattaýǵa tamasha múmkindik bolǵanyn atap ótti.