ıÝNESKO Qazaqstanmen yntymaqtastyqty jalǵastyrýǵa múddeli

PARIJ. QazAqparat - Halyqaralyq qaýymdastyq úshin qazaqstandyq basshylyqtyń ishki jáne syrtqy saıasaty sabaqtastyǵynyń saqtalýy men beıbitshil ustanymynyń jalǵasýy jóninde jasaǵan tııanaqty málimdemesi mańyzdy. Bul jóninde ıÝNESKO Bas dırektory Odre Azýle Qazaqstannyń Frantsııadaǵy Elshisi ári Uıym janyndaǵy Turaqty ókili Jan Ǵalıevpen ótken kezdesýinde aıtty, dep habarlaıdy QazAqparat.

QR Syrtqy ister mınıstrliginiń baspasóz qyzmetinen málim etkendeı, otandyq dıplomat Nursultan Nazarbaevtyń Qazaqstan halqyna úndeýi men Memleket basshysy Qasym-Jomart Toqaevtyń Parlament palatalarynyń birlesken otyrysynda sóılegen sóziniń mátinderin tabystap, Elbasy sheshiminiń sebepteri men qısynyna túsinik berdi. Sondaı-aq memleketimizdiń sheteldik seriktesteriniń aldynda alǵan barlyq mindettemelerin buljytpaı oryndaý jónindegi mindettemelerin qaıta rastady.

«Óz kezeginde O. Azýle usynylǵan aqparatqa rızashylyǵyn jetkizdi jáne Qazaqstannyń ıÝNESKO-men dástúrli negizdegi mazmundy yntymaqtastyǵyn arqaý etip, onyń aldaǵy ýaqytta da oń baǵytta damıtynyna senim bildirdi. Ol sondaı-aq elimizde Jastar jyly aıasynda keshendi is-sharalardyń qolǵa alynýyn quptaıtynyn aıtty», - delingen SІM habarlamasynda.

Taraptar Uıym mandatynyń sheńberindegi aǵymdaǵy árekettestiktiń birqatar naqty máselelerine toqtaldy. Sonyń ishinde Qazaqstanda ıÝNESKO qamqorshylyǵyndaǵy ekinshi sanattaǵy ınstıtýttar retinde Ortalyqazııalyq óńirlik glıatsıologııalyq ortalyǵy men Mádenıetter jaqyndasýynyń halyqaralyq ortalyǵyn qurý úderisi bar.

«Kezdesý sońynda Elshi eki qurylym arasyndaǵy ózara tıimdi yntymaqtastyqqa kórsetken qoldaýy úshin O. Azýleniń TıÝRKSOI Túrki mádenıetiniń halyqaralyq uıymnyń 25-jyldyǵyna oraı marapattalǵanyn jetkizip, Bas dırektorǵa tıisti medaldy tabystady», - dedi vedomstvodan.

Esterińizge sala ketsek, Qazaqstan1992 jyldyń 22 mamyrynan bastap Bilim, ǵylym jáne mádenıet jónindegi Birikken Ulttar Uıymynyń (ıÝNESKO) tolyqqandy múshesi bolyp tabylady. Bedeldi halyqaralyq uıymmen yntymaqtastyǵymyzdy QR ıÝNESKO jáne ISESKO jónindegi Ulttyq komıssııasy úılestiredi. Memleketimiz uıym aıasyndaǵy 15 halyqaralyq konventsııanyń qoldaýshysy bolyp tabylady. Osy kúnge deıin derekti muranyń «Álem jady» halyqaralyq tizimine - 3, Dúnıejúzilik mura tizimine - 5, materıaldyq emes mádenı mura tizimine - 10, bıosferalyq rezervattar jelisine - 10, aıtýly mereıtoılar kúntizbesine 21 otandyq usynym engizildi. Elimizde ıÝNESKO-nyń 5 kafedrasy, 31 qaýymdastyrylǵan mektebi, 50-den astam klýby isteıdi. Tuńǵysh Prezıdent - Elbasy N. Nazarbaevtyńbastamasymen BUU Bas Assambleıasy óz qararymen 2013-2022 jyldar merzimin Mádenıetter jaqyndasýynyń halyqaralyq onjyldyǵy etip jarııalady jáne ıÝNESKO-ny tıisti baǵdarlamany júzege asyrýǵa jaýapty qurylym retinde belgiledi.