Ystambulda Dúnıejúzilik gýmanıtarlyq sammıt ótti

ASTANA. QazAqparat - 23-24 mamyr kúnderi Ystambulda Birikken Ulttar Uıymynyń bastamasymen «Birtutas adamzat - jalpy jaýapkershilik» taqyrybymen Dúnıejúzilik gýmanıtarlyq sammıt bolyp ótti, dep habarlady Qazaqstannyń Túrkııadaǵy Elshiliginiń baspasóz qyzmetinen.

Alǵash ret uıymdastyrylǵan sharada 60-qa jýyq memleket basshysy, halyqaralyq jáne úkimettik emes uıymdar, gýmanıtarlyq qurylymdardyń ókilderi, bıznesmender, daǵdarysqa ushyraǵan halyq ókilderi qatysty.

Sammıtke GFR kantsleri A.Merkel, Ázerbaıjan prezıdenti I.Álıev, Ýkraına prezıdenti P.Poroshenko, Qyrǵyzstan prezıdenti A.Atambaev, Grýzııa prezıdenti G.Margvelashvılı, Bolgarııa premer -mınıstri B.Borısov, Grekııa premer-mınıstri A.Tsıpras, Nıderlandy premer-mınıstri M.Rıýtte, Fınlıandııa premer-mınıstri ıÝ.Sıpılıa, Lıvan premer-mınıstri Tammam Salam, Kýveıt ámiri Sabah ál-Ahmed as-Sabah, sondaı-aq birqatar afrıkalyq memleketterdiń kóshbasshylary qatysty.

BUU Bas hatshysy Pan Gı Mýn sammıttiń jumysyn qazirgi kezde bosqyndardyń sany Ekinshi Dúnıejúzilik soǵys kórsetkishterine jetkeni týraly sózdermen ashty.

Qazaqstandyq taraptyń atynan syrtqy ister mınıstriniń orynbasary Muhtar Tileýberdi qatysty.