World Indoor Tour Gold serııasynyń týrnıri alǵash ret Astanada ótedi
ASTANA. KAZINFORM – World Athletics Indoor Tour Gold 2024 aıasynda Astanada Azııa qurlyǵynda Altyn deńgeıdegi jeńil atletıkadan Astana Indoor Meet for Amin Tuyakov Prizes birinshi halyqaralyq týrnıri ótedi.
Sportty damytý dırektsııasynyń baspasóz qyzmeti málim etkendeı, 7 qalany qamtıtyn Altyn deńgeıdegi kezdesýler serııasy 27 qańtarda Astanada bastalyp, 23 aqpanda Madrıdte aıaqtalady.
Astanada tómendegi sanattaǵy jarystar ótedi:
Áıelder: 400m, 60m, 1 mıl, 60m kedergiler arqyly, bıiktikke sekirý, uzyndyqqa sekirý.
Erler: 60m, 60m kedergiler arqyly, 3000m, 400m, syryqpen sekirý, ıadro laqtyrý.
Týrnırge qatysýǵa tirkelgen sportshylar arasynda syryqpen sekirý boıynsha qazirgi álem rekordshysy Armand Dýplantıs, 200m júgirýde Gaýhar lıga fınalynyń jeńimpazy – kanadalyq sprınter Arne de Grass, 100m kedergiler arqyly júgirýden álem chempıony, Rıo-de-Janeıro Olımpıadasynyń kúmis júldegeri – Nıa Alı, sondaı – aq 100m kedergiler arqyly júgirýden álem chempıony – Tobı Amýsan sııaqty jeńil atletıkanyń álemdik juldyzdary bar.
