«Winter Cup» týrnırinde «Ordabasy» fınalǵa joldama aldy

ASTANA. KAZINFORM - Fýtboldan Qazaqstan klýbtary arasynda ótip jatqan «Winter Cup» týrnırinde «Ordabasy» klýby Semeıdiń «Elimaıyn» iri eseppen jeńdi.

Atalǵan týrnır alǵash ret fýtboldan Qazaqstan klýbtary arasynda ótkizilýde. Túrkııanyń Belek qalasynda jalaýy jelbiregen jarysqa elimizdiń «Ordabasy», «Tobyl», «Aqtóbe» jáne «Elimaı» klýbtary qatysady.

Búgingi kezdesýde shymkenttik klýb sapynan Sergeı Malyı, Ashat Taǵybergen, Vladıslav Vasılev, Vsevolod Sadovskıı mergendik tanytty. Osylaısha «Ordabasy» qarsylasynan 4:0 esebimen basym tústi.

Endi 20:00-de «Tobyl» men «Aqtóbe» jasyl alańǵa shyǵady. Oıyn «Qazsport» telearnasynan tikeleı efırde kórsetiledi.

Al, 3-oryn úshin kezdesý 21 aqpan kúni 15:00-ge, fınaldyq oıyn sol kúni 20:00-ge belgilengen.

Jańa maýsym aldyndaǵy týrnır barysynda 100 mıllıon teńge sarapqa salynady. Dop dodasynyń jeńimpazy 60 mln teńgege ıe bolsa, ekinshi oryn alǵan klýb 40 mln teńgege qol jetkizedi.