Voleıboldan «Jetisý» erler klýby alǵash ret el chempıony atandy
ASTANA. KAZINFORM – Aqtóbe qalasynda voleıboldan erlerdiń ulttyq lıga komandalary arasynda Qazaqstan chempıonatynyń bıylǵy jeńimpazy anyqtaldy.
Chempıondyq ataqty ótken jylǵy kúmis júldeger «Aqtóbe» men «Jetisý» klýby (Taldyqorǵan) sarapqa saldy.
Jeńimpaz úshinshi, sheshýshi kezdesýde anyqtaldy. Buǵan deıin aldymen Sergeı Trıkoz jattyqtyratyn aqtóbelikter «Jetisýdy» 3:1 esebimen jeńgen edi. Degenmen keshe Marat Adryshevtiń shákirtteri dál sondaı eseppen ese qaıyrdy.
Bul joly taldyqorǵandyqtar matchty úsh sette jeńispen aıaqtady — 3:0 (26:24, 25:23, 25:22). Osylaısha, «Jetisý» erler klýby óz tarıhynda alǵash ret Qazaqstan chempıony atandy.
Aqtóbelikter ekinshi jyl qatarynan kúmis júldeni qanaǵat tutty.
Eske sala keteıik, budan buryn «Jaıyq» voleıbol klýbynyń Qazaqstan chempıonatynyń qola júldesin jeńip alǵanyn jazǵan bolatynbyz.
Sondaı-aq voleıboldan Qazaqstan chempıonatynda «Jetisý» klýby «Aqtóbemen» fınaldyq básekede tarazy basyn teńestirdi.
