Aqtóbede kıikti úrkitý úshin 30 mobıldi top quryldy
AQTÓBE. KAZINFORM – Mobıldi top bıyl 87 gektar aýmaqty baqylaýǵa aldy. Inspektorlar egin alqabyn taptap ketýden qorǵaıdy.
Aqtóbe ákimdiginde kıik popýlıatsııasy men olardy qorǵaý máselesi qaraldy. Qazirgi kezde Betpaqdala, Ústirt jáne Oral popýlıatsııalarynda shamamen 260 myń bastan astam kıik bar. Betpaqdala popýlıatsııasy Yrǵyz jáne Áıteke bı aýdandary, al Ústirt popýlıatsııasy Baıǵanın, Shalqar jáne Muǵaljar aýdandaryn qamtıdy.
- Qazirgi kezde aýyl sharýashylyǵy alqaptaryn qorǵaý maqsatynda 30 mobıldi top jumys istep tur. 2026 jyly qorǵanys sharalary 87 myń gektar egis alqabyna deıin keńeıtiledi,- dep habarlady Aqtóbe oblysy ákiminiń baspasóz qyzmeti.
Aıta keteıik, byltyr dál osy ýaqytta Aqtóbeniń Áıteke bı aýdanynda 10 mobıldi top egin alqaptaryn kúzetti. Sebebi «Qumqudyq» JShS-niń 1200 ga jerin kıik taptap ketti.
