Majarstanda parlament ǵımaraty sý astynda qaldy
ASTANA. KAZINFORM – Majarstan astanasy Býdapeshtte Dýnaı ózeni arnasynan asyp, qala ortalyǵyndaǵy jaǵalaýlardy sý basty. Bul týraly RIA Novostı habarlady.
Basylymnyń málimetinshe, apta basynan beri eldiń shyǵys jazyǵyndaǵy tómengi jaǵalaýlar kólik qozǵalysy úshin jabylǵan. Qazir sý deńgeıi bir metrge jýyq kóterilgen. Jaǵalaý aımaǵynyń birqatar bólikterimen birge Majarstan parlamenti ǵımaratynyń aldyn sý basqan, oryndyqtar, baǵanalar men baǵdarshamdardyń jartysy sý astynda qaldy.
Jeltoqsan, maýsym aılarynda sý basqan «Dýnaıdaǵy báteńkeler» eskertkishi áli de tereń sý astynda jatyr. Jaǵalaı egilgen aǵashtar alleıasy aralǵa aınaldy.
Býdapeshttegi tómengi jaǵalaýlardyń bıiktigi shamamen alty metr ekeni atap ótildi. 21 qyrkúıekte Dýnaıdaǵy sýdyń maksımaldy deńgeıi shamamen 8,5 metrge jetedi dep josparlanǵan. Qala ortalyǵyndaǵy ózenniń ádettegi deńgeıi 3,5 metr.
18 qyrkúıekte Majarstan premer-mınıstri Vıktor Orban eldiń sý tasqynynyń eń aýyr kezeńine jetkenin, ol shamamen bir aptadan keıin aıaqtalýy tıis ekenin málimdedi.
