Veneraǵa ushý nege múmkin emes
ASTANA. KAZINFORM — Veneradaǵy jaǵdaılar adam ómiri úshin sonshalyqty qolaısyz, sondyqtan adamzattyń ol jaqqa pılottyq mıssııa jiberýi ekitalaı. Bul týraly RǴA Medıko-bıologııalyq máseleler ınstıtýtynyń (IMBP) «Ǵaryshtyq bıologııa» ǵylymı baǵytynyń jetekshisi Vladımır Sychev RIA Novostı agenttigine bergen suhbatynda aıtqan. Bul týraly Kabar agenttigi jazdy.
— Venera degenimiz ne? Venera — bul onyń betinde shamamen 400 gradýs temperatýra. Al atmosferasynda 60 shaqyrym bıiktikte shamamen 40–60 gradýs, — dedi ol.
Sychev buǵan deıin Venera atmosferasynan tirshiliktiń bar ekenine dálel bolýy múmkin qosylystar tabylǵany týraly habarlar bolǵanyn eske saldy. Alaıda ǵalym mundaı boljamdy jetkilikti daýly dep atady.
Eske sala keteıik, buǵan deıin Qytaı ǵalymdary Aıdan ákelingen úlgilerden buryn ǵylymǵa belgisiz bolǵan eki mıneraldy anyqtaǵanyn jazǵan edik. Bul jańalyq Qytaıdyń 11-ǵarysh kúni aıasynda Chendý qalasynda ótken rásimde jarııalandy.
Al ǵalymdar jaqynda Ǵalamnyń keńeıý jyldamdyǵy buryn boljanǵannan joǵary ekenin anyqtady. Derekter arasyndaǵy aıyrmashylyqty tipti eń dál ólshemderdiń ózimen de túsindirý múmkin bolmaı otyr. Bul qoldanystaǵy teorııalarda olqylyqtardyń bar ekenin kórsetýi múmkin.
