Veb-kamera arqyly ınternet paıdalanýshyny baqylaý múmkin be?
ASTANA. QazAqparat - Úkimettik baılanystyń «GCHQ» brıtandyq ortalyǵy, ıaǵnı elektrondyq barlaý «Optıkalyq júıke» baǵdarlamalyq kodyn paıdalanyp, osy arqyly «Yahoo» korporatsııasy onlaın-chatyn paıdalanýshylardyń veb-kamerasy túsirgen beınelerdi jınaqtaǵan. Bul jaıynda «Guardian» gazeti habarlady.
Basylymnyń málimetinshe, «GCHQ» AQSh-tyń ulttyq qaýipsizdik agenttiginiń qoldaýymen 2008-2010 jyldarda beınelerdi túsirip, saqtap otyrǵan. Tek jarty jyldyń ishinde barlaýshylar «Yahoo» chatyn paıdalanýshylardyń 1,8 mln. sulbasyn qamtyp úlgergen.
Óz kezeginde korporatsııa atalǵan tyńshylyq sharalary jaıynda bilmegenin jáne ony (eger de baspasóz málimeti rastalyp jatsa) óreskel is-qımyl dep baǵalady.
Sonymen qatar Úkimettik baılanystyń brıtandyq ortalyǵy ózderiniń qyzmetteri tek zańnamaǵa sáıkes júzege asyrylyp jatqandyǵyn alǵa tartýda.
