Varshavada Astananyń 20 jyldyǵy atap ótildi
Іs-sharaǵa Polsha Prezıdenti Keńsesiniń, Úkimeti men Parlamentiniń joǵary laýazymdy ókilderi, sheteldik dıplomattar, qazaqstandyq qoǵamdastyqtyń ókilderi, kórnekti qoǵam jáne mádenıet qaıratkerleri qatysty.
Qazaqstannyń Polshadaǵy Elshisi Marǵulan Baımuhan qazaqstandyq otandastarymyzdy Astananyń mereıtoıymen jyly quttyqtady. Ol Prezıdent Nursultan Nazarbaevtyń bastamasymen qurylǵan zamanaýı qala álemniń ozyq astanalarynyń qataryna qosylatynyna senim bildirdi.
M.Baımuhan sheteldik aýdıtorııaǵa «Astana brendi» zamanaýı, serpindi damyp kele jatqan, tanymal jáne álemde laıyqty bedelge ıe megapolıs retinde qysqasha beınelep aıtyp berdi.
Atap aıtqanda, Qazaqstan astanasynyń óńirlik jáne jahandyq dıplomatııanyń ortalyǵy retinde róli týraly basa aıtyldy. Osylaısha, Polshanyń ókildik delegatsııasynyń 2018 jylǵy 19-22 maýsymda Astanada ótken 25-shi Dúnıejúzilik taý-ken kongresiniń jumysyna qatysýy, sońǵy mysaly retinde keltirilgen bolatyn.
Elshi elordany, qazaq halqynyń birdeı shoǵyrlandyrylǵan ultty qalyptastyrýdyń qýatty faktory, memlekettiń ekonomıkalyq damýynyń lokomotıvi retinde sıpattady. Astananyń ındýstrıaldyq, qarjylyq, ınnovatsııalyq, mádenı, medıtsınalyq jáne bilim berý ortalyǵy, shıkizatqa táýeldi emes Qazaqstanda balamaly ekonomıkany qurýdyń draıverleriniń biri bolyp tabylatyny atap aıtyldy.
Syrtqy seriktestermen tıimdi ózara is-qımyldyń mańyzdylyǵyn eskere otyryp, M.Baımuhan polıak tarapyn ózara tıimdi negizinde Astananyń damýyna eleýli úles qosýǵa shaqyrdy.
Osyǵan baılanysty Qazaqstan-Polsha qarym-qatynasynda sheshilmegen máselelerdiń joqtyǵy qanaǵattanýshylyqpen atap ótildi.
Qazaqstan dıplomaty polıak dostaryn ulttyq tarıhtaǵy mańyzdy oqıǵa - 2018 jyly keńinen atap ótilip jatqan Polsha táýelsizdigin qalpyna keltirýdiń 100-jyldyq merekesimen quttyqtady.
Qonaqtarǵa Astana týraly qysqasha beınerolık kórsetildi.
Іs-sharaǵa Aqmola oblysynyń «Shalqyma» halyq bı ansambliniń nomerleri jarqyn boıaýdy berdi. Bul tanymal shyǵarmashylyq ujym «Folk Harbor - Gorzow 2018» HHV halyqaralyq bı festıvaliniń sheńberinde polıak qalalaryn gastrolmen aralap júr.
