Varshava ýnıversıtetinde qyzmetkerdi óltirip ketti

ASTANA. KAZINFORM — Varshava ýnıversıtetinde qyzmetkerdi aıýandyqpen óltirip ketken, dep habarlaıdy AZERTADJ. 

Agenttik Daily Mail-ge silteme jasap habarlaǵandaı, Polshadaǵy ýnıversıtette baltamen jasalǵan shabýyldan keıin kesilgen bas tabyldy. Sársenbi kúni polıtsııa qyzmetkerleri Varshava ýnıversıtetinde áıeldi baltamen óltirdi degen kúdikke ilingen 22 jastaǵy polıak jigitin ustaǵanyn habarlady.

Habarlanǵandaı, qolyna balta ustaǵan jas polıak ýnıversıtet keshenine sársenbi kúni jergilikti ýaqyt boıynsha keshki saǵat 17:40 shamasynda kirgen.

Polsat News jeke telekompanııasy ýnıversıtette áıeldiń kesilgen basy men balta tabylǵanyn habarlady.

Aımaqtyq prokýratýra ókiliniń habarlaýynsha, ýnıversıtettiń ákimshilik qyzmetkeri bolǵan áıel oqý ornynda óltirilgen, al jaraqat alǵan kúzetshi aýyr halde aýrýhanaǵa jetkizildi.

Onyń aıtýynsha, shabýyldaýshy ýnıversıtettiń aýdıtorııasyna kirgen. Qolda bar málimetterge qaraǵanda, kúdikti stýdent bolǵan.

Varshava polıtsııasynyń áleýmettik jelidegi paraqshasynda málimdeme jarııalady. 

— Polıtsııa Varshava ýnıversıtetiniń kampýsyna kirgen er adamdy ustady. Bir adam qaza taýyp, jaraqat alǵan taǵy bir adam aýrýhanaǵa jetkizildi, — delingen habarlamada.

Varshava ýnıversıtetiniń rektory óz málimdemesinde 8 mamyr bilim mekemesinde qaraly kún bolatynyn aıtyp, shabýyldy «úlken tragedııa» dep atady.

Buǵan deıin Varshavadaǵy úlken saýda keshenin órt sharpyǵany belgili boldy.